म एक ब्राह्मण हुँ। तर त्यो भन्दा पहिले एक नेपाली हुँ। मेरो अटल मान्यता यहि हो। तर हिँजो एकजना ब्राह्मण समाज भन्ने सँस्थाका बरिष्ठ ब्यक्ती आएर म लगायत केही साथीलाइ ब्राह्मण समाजको पक्षमा काम गर्न अनुरोध गर्नुभयो। मैले त्यतिबेलै त्यो बिचारको खण्डन गरेपनि अन्य साथिलाइ पनि मेरो धारणा प्रबाहित गर्नुपर्ने आबश्यक ठानेर ब्लग मा प्रकाशित गरेको छु। हुनत मेरो धारणा न त देशको आधिकारीक धारणा हुनुपर्ने मेरो हठ हो न त सबैले स्विकार गर्नुपर्ने मान्यता। तर पनि एक नेपाली भएको नाताले नेपालको एक नागरिक को भाबना अर्को नागरिकले अध्ययन गर्न को लागि पनि सार्बजनिक मन्चको प्रयोग आबश्यक देखेकोले नै यो पोष्ट गरेको हुँ।





अब बिषयबस्तु तर्फ नै लागौँ। माथी उल्लिखित ब्यक्तीले बुँदागत रुपमा ब्राह्मण समाज को औचित्य माथि प्रकाश पार्न खोज्नुभएको थियो। तर लगभग रुपमा जे आएपनि सारमा उहाँको तर्क जातीय पहिचानको राजनिती चलेको बेला ब्राह्मणको पनी पहिचान होस भन्ने थियो। उहाँ लगायत ब्राह्मण वा क्षेत्री समाज का सम्बन्धित ब्यक्ती हरु प्रति मेरो एक मात्र प्रस्न के हो भने जातिय राजनिती को बिरुद्ध संघर्ष गर्छौँ भन्नेहरुले नै अर्को जातिय संगठन स्थापना गर्दा कस्तो सन्देस जाला? के यो त जातिय राजनितीको बैधानिकता भएन र? म आफैमा जातिय राजनितीको बिरोधी हुँ। जातिय राजनिती को बिरोधमा मेरा आफ्नै मान्यता छन। तर अर्को जातिय संगठन खोलेर जातिय राजनितीको बिरोध होइन बरु बैधानिकता नै मिल्नेछ। अर्को तर्फ जातिय समुदायमा जातिय राजनिती गर्नेहरुले अर्कै प्रकारको आश्वासन र सपना बाँडेका छन। जस्तो अस्ति मात्र एक जना मेरा मधेसी मित्र ले नेपाली सेनामा करिब नौँ सय मात्र मधेसी मुलका मान्छे रहेको तर्क दिदैँ हुनुहुन्थ्यो। अनि त्यस प्रकारको भाबनाको उचित सम्बोधन बिना केवल जातिय राजनितीको एकाङ्गी बिरोध पनि जायज देखिदैन ब्राह्मण मित्रहरु। हो जातिय राजनितीको बिरोध आबस्यक छ। त्यसको आफ्नै तरिका होलान। त्यति हुँदा हुँदै पनि जातिय संघियता बिरुद्धको तपाइँको आबाजप्रती समर्थन भए पनी तपाईँहरुको प्रकृयाप्रती समर्थन नहुने जानकारी गराउँछु।